|
|
Satisfacción do
alcalde tralo encontro co conselleiro Hernández
Redacción-Teo
O alcalde de Teo, Martiño Noriega, amosouse
satisfeito co clima de colaboración da reunión institucional
mantida co conselleiro de Medio Ambiente, Territorio e Infraestruturas,
Agustín Hernández. Na xuntanza estiveron tamén
os voceiros municipais Armando Blanco (PP); Jano Leis (PSOE); Manuel
Parajó (InTeo) e Rafael Sisto, voceiro do BNG e concelleiro
de urbanismo.
O grupo de goberno entende que a reunión serviu para clarificar
a necesidade de desbloquear a situación urbanística
de Teo dotando ao Concello dun plan xeral á maior brevidade
posible. A Xunta contaba xa co documento de cumprimentación
da orde da Xunta do 27 de xaneiro.
O departamento de urbanismo autonómico explicou que o documento
era correcto agás no tipo de solo do polígono industrial
de Montouto. O alcalde comprometeuse a que esta mesma semana se manterá
unha reunión co equipo redactor do PXOM para realizar esa modificación
que supón que o solo industrial apareza como SUD e non como
SUND como se recollía ata agora.
O plan xeral de Teo está pendente da súa aprobación
plenaria, antes do envío oficial á Xunta de Galicia.
O asunto necesita de maioría absoluta para a súa aprobación
en sesión plenaria. |
|
|
|
