Licitan a rotonda que dará acceso aos
polígonos e á gardería desde a N-550
Redacción-Oroso
A Xunta de Goberno Local aprobou días
atrás o prego de cláusulas administrativas particulares
para contratar a construcción dunha rotonda no quilómetro
48,540 da N-550, no actual cruzamento nas inmediacións de
Sigüeiro que dá acceso aos polígonos industriais,
á escola infantil A Ulloa e aos seus entornos.
O proxecto valórase en 679.000 euros. O goberno agarda que
a rotonda estea rematada antes de que remate 2010. Calculan que
a comezos de verán comecen as obras, que non deben exceder
os seis meses.
O alcalde, Manuel Mirás, suliñou que primarán
as ofertas, ademais de polo prezo, polo prazo máis breve
de execución. O rexedor indica que durante a obra non haberá
desvíos de tráfico senón que se regulará
o paso polo carril que ficará libre en cada fase do proxecto.
A rotonda terá dous carrís, un para seguir pola nacional
e outro para acceder aos parques empresariais.
|
