|
|
Mesía recupera o seu patrimonio nunha
ruta sendeirista homologada
Redacción-Mesía
 |
| Participantes nun
percorrido “de proba” da nova ruta sendeirista |
O concello de Mesía ultima a posta en
marcha dunha ruta de senderismo na que porá en valor unha parte
moi significativa do seu patrimonio natural, histórico e etnográfico.
A ruta, duns 14 quilómetros, foi acondicionada cunha axuda
europea específica para este fin. Discorre desde a emblemática
Fraga de Visantoña, a través desta parroquia e ata a
de Olas, pasando por tres muíños tradicionais dos ríos
Traveso e Samo, rehabilitados nos últimos meses.
Segundo o goberno local, será unha das primeiras rutas homologadas
de toda a comarca, e por tanto goza do recoñecemento oficial
da Federación Galega de Montañismo. Esto garante que
reúne as condicións idóneas para a práctica
do deporte do sendeirismo.
Hai uns días, un grupo de trinta veciños participou
nun percorrido pola ruta, xa sinalizada sobre o terreo, nunha actividade
organizada polo concello. |
|
|
|
|
