Comeza o obradoiro de emprego conxunto entre Frades e Mesía

Redacción-Mesía

Acto de presentación do obradoiro de emprego “Mesía Frades I”

O obradoiro de emprego “Mesía-Frades I”, que forma este ano a 25 alumnos-traballadores en tarefas forestais ou axuda a domicilio, xa deu comezo.
No acto de presentación, os dous alcaldes, o fradense Jesús Miguel Prado Patiño e o mesiense Mariano Iglesias, convidaron aos participantes a aproveitar a formación para ter máis posibilidades de inserción no mercado laboral.
Os rexedores estiveron acompañados polo equipo directivo do obradoiro, do que destacaron a gran “valía”, e pola concelleira de Mesía Pilar Sánchez, que coordina o obradoiro.
Neste proxecto invístense uns 570.000 euros. O feito de que sexa entre dous concellos foi destacado polos alcaldes. O de Frades lembrou que só se concederon sete na provincia e “competían” con concellos “de maior poboación como Ordes, Carballo e Arzúa”. O de Mesía afirmou que ningún dos dous concellos acadaría o obradoiro sen contar co apoio do outro.