El ANPA de Sada e Contornos esixe a súa ampliación xa

Redacción- Sada

Marcha-mochilada el pasado 14 de outubro

“Ampliación Xa!!” é a esixencia da ANPA de Sada e os seus contornos no comunicado emitido no que esixían ao alcalde Ernesto Anido que remate o expediente expropiatorio para iniciar os traballos de ampliación do centro.
Unha petición que foi reafirmada o pasado 14 de outubro trala marcha-mochilada que levou a encher de mochilas a entrada do concello para esixir, dunha vez, a ampliación do CEIP Sada e Contornos. Unha ampliación que, aseguran dende a ANPA, será abordada pola Xunta cando o concello ceda os terreos como sinalou o conselleiro nunha recente reunión que mantivo na Coruña coas varias ANPAS, entre a que se encontraban a do centro sadense.
Aseguran dende o colectivo de nais e pais que contan cun informe pericial cualificado que rexeita radicalmente os “argumentos obstrucionistas do goberno municipal de Sada para acadar os terreos anexos ao colexio para executar a ampliación comprometida”. Dende a ANPA esperan a resposta do alcalde para coñecer como van resolver esta situación e mentras tanto, van celebrar unha asamblea de pais e nais para explicar a situación da ampliación así como a falta de resposta do alcalde á petición dunha entrevista por parte da ANPA. Unha entrevista que, explican, comprometeu o propio Ernesto Anido o mesmo día da protesta pero que, polo momento, seguen á espera.
Explicarán, tamén, ao resto dos pais o informe pericial co que contan e adiantarán que encargaron a un gabinete xurídico outro informe que explore e avalíe os aspectos xurídicos da cuestión, incluidas as responsabilidades que poidan esixirse ao goberno actual, pola súa negativa a proceder á expropiación dos terreos precisos para ampliar o centro.
Tamén, durante a asamblea, decidiránse novas medidas de presión para acadar que o concello leve a cabo o proceso expropiatorio e acabar así, aseguran, co “déficit dotacional histórico” que veñen sufrindo os escolares de Sada. Están convencidos que, dunha forma ou outra, teñen que conseguir que o goberno local mude de postura e, finalmente, acometa o que pais, alumnos e profesores están esixindo.

Sen partida nos orzamentos
Dende o BNG reclaman tamén a inminente expropiación e posterior ampliación do centro e lamentan que despois de cen días o goberno siga “estudando” o tema.
Dende o BNG sinalan que o goberno está obrigado a expropiar, e se o fai fora de prazo, prazo que rematou o 15 de outubro, terá que pagar indemnizacións aos propietarios.
Os nacionalistas critican que, nos orzamentos autonómicos de 2012 no se reservase partida orzamentaria ningunha para a ampliación de Sada e Contornos. É por iso, que dende o BNG de SAda anunciaron xa que presentarán no Parlamento Galego unha enmenda aos presupostos , para que os orzamentos de 2012 da Xunta recollan finalmente esa partida que serviría para dar solución, a un problema que leva arrastrando Sada dende hai anos.

.