O Plan Director reduce a pegada sonora en Oleiros

Redacción- Oleiros

Segundo explicou o goberno local o pasado 20 de abril, o informe de impacto ambiental do futuro Plan Director de Alvedro recolleu as alegacións presentadas polo concello, e vai reducir a pegada sonora en Oleiros.
Un documento no que se recolle a redución dos efectos sonoros sobre o contorno urbano do aeroporto e que fai referencia ao funcionamento da instalación e á limitación do horario diurno, podendo, segundo o concello, chegar a anular a afectación.
O documento propón, ademais, recoller a pegada acústica de 2006 que reduciría o ámbito aos límites da ría do Burgo, na parroquia de Liáns.