O pleno de Oleiros saca adiante as contas de 2010

Redacción. Oleiros
O pasado 7 de outubro, en sesión convocada con urxencia, o pleno municipal aprobaba as contas de 2010 a fin de remitir o documento ao Consello de Contas da Xunta e evitar posibles retencións de subvencións, tal e como anunciou o presidente Feijóo para os concellos que non cumpran con este trámite.
Socialistas, nacionalistas abstivéronse e o PP votou en contra.
Dende o BNG critican a tardanza na presentación destas contas que foron presentadas “in extremis” para cumplir co prazo para presentalas no Tribunal de Contas ao tempo que critican que se deixasen de executar máis de 7,5 millóns de euros. Un feito que se produxo, según os nacionalistas, pola alta estimación de ingresos que se fixo e que non se cumpriron. Ademais o BNG destaca os 4,7 millóns de euros que acumula de débeda o concello. Para os nacionalistas os orzamentos de 2010 foron demasiado optimistas, de escaparate, que afectaron ás inversións e servizos porque, no gasto corrente, aseguran, non se aforrou nada.
Para o BNG esta situación evidencia a mala xestión do goberno de Alternativa e lamentan que, ademais de non aforrar, non se tomase ningunha medida para incrementar os recursos propios máis aló de subir as taxas aos veciños.

.