O Noso Burgo pide a AENA que mida os decibelios
nunhas 200 vivendas
Redacción- Culleredo
O pasado 20 de xaneiro, a asociación
veciñal O Noso Burgo entregou na Delegación do Goberno
en Galicia, máis de 200 solicitudes de familias de Culleredo
e Cambre para que AENA mida o nivel de decibelios dos seus domicilios,
por entender que soportan ruídos con niveis superiores aos
permitidos durante o paso dos avións.
Estas solicitudes aportaranse á denuncia que ten presentada
O Noso Burgo ante a Fiscalía do Tribunal Superior de Xustiza
de Galicia, en relación co plan de aillamento acústico
que, tal e como recorda o presidente de O Noso Burgo Ramón
Sixto, antes abarcaba prácticamente todo O Burgo e agora
restrinxíronno a unhas poucas vivendas.
O impreso para solicitar a Aena que mida os decibelios que soportan
os veciños do Burgo nas súas vivendas, pódese
descargar da páxina web da asociación.
En decembro reuníronse
con Sacristán
O Noso Burgo cerraba o 2011 cunha reunión co primeiro edil
de Culleredo Julio Sacristán para preocuparse por diferentes
temas que preocupan aos veciños de O Burgo.
De Tarrío trouxeron o compromiso de que se ía pintar
o aparcadoiro de motos en Ramón Cabanillas, que este mes
comenzaría o traslado dos colectores de Hersa e Sanjurjo
de Carricarte e o arreglo do mobiliario urbano. Tamén trouxeron
o compromiso de que se ía licitar o bar do paseo marítimo,
que pasarían aviso á Xunta do estado das barandas
da ponte do tren e que autorizaban á comunidade de veciños
de sinalizar a prohibición de cans nas zonas verdes de Largo
Caballero.
A asociación tamén se interesou polo plazos de insonorización
das vivendas, o tema do local de Correos no que non hai avances,
o traslado dos colectores de lixo da Prza. Galicia, a inspección
da ponte peonil fronte ás Palmeras así como a solicitude
dun bando, que será publicado próximamente según
prometeu o alcalde, para recordar as obrigas dos propietarios de
mascotas e tomar medidas contra os grafiteiros, entre outras cousas.
|
