Asociacións de veciños de Cambre reuníronse para falar do tema

Reaccións negativas ante o plan de sectorización proposto pola Consellería de Vivenda da nacionalista Teresa Táboas en concellos como Arteixo, Oleiros, Culleredo e Cambre onde, os seus respectivos gobernos piden que a consellería teña en conta á administración local á hora de planificar o seu crecemento. Na visita que o presidente dos populares galegos fixo a Arteixo, Núñez Feijoó tamén criticaba o plan de Táboas e pediu á Xunta que estude o plan plantexado para ese concello e o redefina para evitar conflictos cos veciños.
De “guetos” calificaban desde Arteixo e Oleiros os novos barrios que pretende construir Vivenda e os seus respectivos gobernos opoñíanse ás directrices da Xunta. Xunto a eles, os veciños, os afectados que en Arteixo xa se constituiron en plataforma para mostrar o seu rexeitamento ao plan da Consellería de Vivenda. Veciños e goberno piden, en Arteixo, que se retire o plan e xa preparan as pertinentes alegacións, non descartando incluso movilizacións a pesar de que Vivenda comprometeuse con non facer expropiacións.
Dende o goberno arteixán están dacordo coa construcción de vivendas de protección, pero non nos termos plantexados por Vivenda.
En Oleiros, o goberno aboga porque se respete o plan urbanístico en vigor “que marca onde e como poder realizarse edificacións no municipio” sinalou o alcalde, quen tamén recorda que o seu goberno aplaude as políticas de vivenda de protección “porque levamos moitos anos facendo realidade esa política”.
Dende o BNG local defensa “da primeira política seria de promoción de acceso a unha vivenda digna para todas as persoas”.

Matizacións en Culleredo
A búsqueda de consenso é tamén a prioridade en Culleredo, onde o seu alcalde Julio Sacristán xa mantivo unha reunión con representantes da Consellería de Vivenda. Haberá máis. Sacristán insiste en que a vivenda pública é necesaria xa que no concello “hai unhas 2.000 solicitudes” para este tipo de vivenda. Sin embargo considera que, ademáis das vivendas previstas para O Burgo e en Xafontes, Vilaboa, Culleredo debe loitar por un terceiro sector que podería albergar unhas 1.100 vivendas máis.
Sacristán insiste na necesidade de chegar a un consenso entre ambas administracións para “evitar máis problemas dos que realmente se pretenden resolver” e cre que non será ata 2010 cando comence a executarse o plan.

Barcala e O Temple afectados
De “aberración urbanística” define o PP de Cambre o plan de Vivenda que prevé preto de 2000 vivendas para O Temple e A Barcala, polo que esixe a súa retirada. Un plan que segundo Cubeiro perxudicará aos veciños, cuns precios de expropiación do máis baixos. Para falar do tema, o PP fará un acto público o próximo 28 de novembro, no Bosque ás 20 h.
Dende o concello, o teniente alcalde Javier Varela Tejedor considera que o plan é necesario, sen embargo, insiste, é preciso buscar un consenso entre ambas administracións. O concello estuda xa o plan para presentar propostas ou alegacións.
EU-IU pide a convocatoria da Comisión Especial para o PXOM, para analizar polo miúdo o plan ao tempo que sosteñen que o plan debe ir acompañado dun plan de mobilidade sustentable.
Non só os políticos se están a mobilizar en Cambre, a Asociación de Veciños Fontenla- Lamiño reuníase con representantes das dezaséis asociacións de veciños de Cambre, co fin de tratar o tema. Alí, en Fontenla, preocupación entre os afectados que non recibiron de moi bo grado o anuncio do plan.

Apoio dos nacionalistas
Pola súa parte, o BNG respalda en tódolos concellos o plan de Táboas. En Cambre, o seu portavoz Xabier Iglesias considera que esta iniciativa aportará novas zonas verdes e equipamentos ao tempo que xenerará actividade económica e novos postos de traballo. Segundo Iglesias, as bolsas de solo apostan pola integración social e facilitar o crecemento ordenado do concello.
En Abegondo o BNGs aplaude a iniciativa que achegará ao concello 115 vivendas de protección en San Marcos, novas zonas verdes e equipamentos, unha medida necesaria para evitar o éxodo da xuventude do concello, segundo o portavoz nacionalista Víctor Meizoso.
Tamén o goberno de Sada da a benvida a un plan que achega 43 vivendas públicas na rúa Párroco Villanueva e Igrexa, con zonas verdes e dotacionais.