Carral e Cacheiras unidos polos mártires

Redacción-Carral

O ano pasado, durante a visita dos de Cacheiras a Carral

O vindeiro 8 de maio Carral acollerá, un ano máis, aos alumnos da ESO de Cacheiras que acuden ao concello a rememorar o acontecemento histórico do levantamento de Solís que acabou vinculando Carral con Teo, e que rematou co fusilamento dos Mártires de Carral, en abril de 1846.
Un día antes, serán os alumnos de 3† da ESO do Vicente Otero Valcárcel os que acudan a Cacheiras para recordar a batalla que alí libraron os mártires de Carral, antes de ser fusilados en Carral.
É este o acontecemento que acobou unindo aos colexios de Carral e Cacheiras despois de que, hai xa once anos, un profesor de filosofía de Cacheiras se puxese en contacto co colexio de Carral para levar a cabo este irmanamento, tal e como nos explica Anxo Gómez, xefe de estudos e profesor de lingua galega do Otero Valcárcel.

Aprender historia dunha forma diferente
Anxo Gómez sinala que “é unha actividade bastante positiva. É interesante porque é levar ás aulas a realidade, normalmente en materias como literatura e historia, cando falas de séculos pasados, quédalles todo moi lonxe. Así rememoran feitos históricos nos lugares donde pasaron e tamén é interesante, dende o punto de vista actual, para ver como cambiaron os lugares. En Carral xa non queda nada da Fraga do Rei, donde os mataron, nin a capela onde se fixo o xuizo, aínda que hai elementos como as tumbas ou o cruceiro que se manteñen. E é interesante porque, sorprendentemente, nin os rapaces coñecen a ruta dos mártires. E outro tema interesante, é o de coñecerse rapaces de distintos concellos. Os hai que levan comunicándose despois de dez anos”.
O próximo 8 de maio, os alumnos de 3† da ESO de Carral terán a oportunidade, xunto cos alumnos de Cacheiras, de recordar aquel episodio histórico e percorrer a ruta dos Mártires, visitar as tumbas dos fusilados e facer a ofrenda no Panteón. .