Concello e CEIP de San Marcos manterán o programa de apoio escolar o próximo curso

Redacción- Abegondo

JuO alcalde Juan José Rocha Carro e o director do CEIP San Marcos Gustavo Quindimil, asinaron un convenio de colaboración para desenvolver o programa de apoio escolar durante o próximo curso 2008/2009.
Deste xeito, o concello de Abegondo, a través da concellería de Cultura, sufragará a metade do custo do servizo de coidadoras de comedor, que o ano pasado ascendeu a 808 euros mensuais. Ademais, se fará cargo do coste íntegro das clases afectivo-sexuais que se veñen desenvolvendo dende hai anos.

Coidado de Mañá
Dende o primeiro día de clase, funcionará o servizo de coidador, a partir das sete e media da mañá, tal e como xa funcionou no curso anterior. Un servizo para o que xa se pode facer reserva de praza no departamento de cultura durante todo o verán.
O servizo comenzará a funcionar o primeiro día de clase de setembro.
Un convenio, no que tamén se establece o mantemento, por parte do concello, das clases de informática así como atender, na medida das posibilidades do concello de Abegondo, as peticións solicitadas pola dirección do centro.

Ludoteca
Durante o mes de setembro, permanecerá pechado o servizo de ludoteca. Para o resto de actividades culturais do curso, xa se poden facer as inscricións pertinentes no Departamento de Cultura durante todo este mes.