|
|
A Xunta investirá 200.000 euros na senda
peonil do cruce de Sesmonde
Redacción-Vilasantar
 |
| O delegado provincial,
coa alcaldesa e dous edís do goberno local |
A consellería de Política Territorial
investirá uns 200.000 euros nunha senda peonil no cruce de
Sesmonde, en Vilasantar. A obra facilitará o tránsito
e mellorará a seguridade vial do lugar.
Este foi un dos principais froitos da visita do delegado provincial
da consellería, Alberto González, ao concello, onde
se entrevistou coa alcaldesa, Manuela García.
A rexedora e o seu goberno tamén acadaron o compromiso da consellería
de elaborar unha proposta de mellora para as beirarrúas de
Présaras e Vilasantar, tras facerlle comprobar o “mal
estado” en que se atopan. Do mesmo xeito, amosáronlle
a “perigosidade” dos dous cruces de Présaras coa
AC-840 e a necesidade de mellorar o paso a distinto nivel que cruza
cara á zona do centro de ensino.. |
|
|
|
|
