|
|
O Concello de Vilarmaior xa está preparando
as actividades de Nadal
Redacción- Vilarmaior
O Concello de Vilarmaior ten todo preparado
para recibir o Nadal da maior maneira posible cun amplio programa
de actividades para nenos e maiores.
O teatro será un dos protagonistas coa representación
o día 5 de decembro da obra “Desigualdades” ás
16:30 na Casa da Cultura, o día 20 “Matrimoniadas”
e o 27 “Entre nós”, ambas na Casa da Cultura ás
20 horas.
Como non podía ser doutra maneira e para os máis pequenos
haberá os luns 22, 23, 28 e 29 de decembro de 10:30 a 12:30
na Casa da Cultura obradoiros de postais, de adornos navideños
e de xoguetes.
E este ano, aproveitando as instalacións da Casa da Cultura
tamén se proxectarán películas os mesmos días
que os obradoiros pero de 12 a 13:30 horas.
Visitas reais
A isto haberá que sumar ademais, como vén sendo habitual,
a visita do Carteiro Real ás Escolas Unitarias o día
19 de decembro e a cabalgata de Reis o 4 de xaneiro no polideportivo.
|
|
|
|
|
