|
|
Inaugurado o lagar de Vilamourel
Redacción Paderne
 |
| O alcalde participou rememorando as labores
da vendimia no lagar |
O pasado día 8 de novembro o alcalde
de Paderne, César Longo, inauguraba o lagar de Vilamourel,
restaurado recentemente xunto co lagar de Esperela, con fondos obtidos
a través do programa AGADER.
Moitos foron os veciños que non se quixeron perder a oportunidade
de participar nesta inauguración, na que puideron ben lembrar
ou ver por primeira vez as labores que antes xuntaban aos veciños
na época da vendimia nestes lagares.
O primeiro edil padernés, César Longo, descubriu unha
placa conmemorativa deste día, no que ademais se puido catar
o mosto elaborado e unha degustación de castañas, coa
celebración dun tradicional magosto.
O Concello de Paderne está a recuperar este tipo de construccións
co fin de que revaloricen o atractivo turístico do municipio,
a través da restauración do seu patrimonio, que aseguran,
pouco a pouco se está a poñer en valor buscando todas
as posibles vías de financiamento de cara a facer de Paderne
un lugar orgulloso de mostrar os seus recursos, tanto ós seus
habitantes como ás novas xeracións que veñen
de camiño. |
|
|
|
|
