A O goberno local que dirixe César Longo, ven de contratar as obras incluídas no Plan de Obras e Servizos da Deputación. Os traballos, céntranse sobre todo no arranxo e pavimentación de viais así como na instalación de pluviais en varias zonas da parroquia de Souto.
Entre os camiños a arranxar están o acceso á urbanización de Montecelo, de Montecelo Camiño Pichón, Fonte-Trasmil, Pazo-Barreiro, acceso a Barreiro, Barreiro-Porto, Porto de Abaixo, Porto-Trasmil, Trasmil a Camiño Barreiro, Pazo-Cruz, Cruz a Tercio, acceso e núcleo de Tercio, Tercio-Adro, acceso a Os Carballos e o núcleo de Condós. Unhas actuacións cuxo importe ascende a 58.366,30 euros.

Actuacións en Souto
Tamén na parroquia de Souto vanse levar a cabo varias actuacións de mellora de camiños e traballo para a instalación de pluviais por importe de 89.377,22 euros. Os traballos consisten na mellora de Souto a Chantada, camiño da Igrexa de Souto a Gas, da Fonte de Gas á N-VI en Souto, de Souto ao límite do concello, camiño As Carbelas, camiño A Rúa, acceso a Vilademeus, camiño a escola de Souto, saneamento Camiño de Gas e o núcleo de Gas.

Arrancan as obras do FEES
Todo listo en Paderne, para que arranquen as obras do Fondo Estatal para o Emprego e a Sostibilidade Local 2010, co que o goberno de Zapatero achega a Paderne un total de 294.296 euros.
A través deste fondo, vanse levar a cabo, as obras de captación e depósito regulador en Pedregoso na parroquia de Adragonte, e a captación e depósito regulador en Sumeiro así como a mellora do alcantirallado en Gas.
Con estas obras, tal e como apuntan dende o goberno de César Longo, os depósitos da traída municipal aumentan o caudal actual, o que redundará positivamente nun mellor funcionamento do servizo nas parroquias de Obre e Paderne.

Máis de 300.000 euros á mellora de servizos
A través do Plan de Cooperación cos concellos da Deputación Provincial de A Coruña, o concello de Paderne recibiu unha achega de 301.325,99 euros que destinará, íntegramente, á mellora dos servizos aos veciños.
Concretamente, as obras que están a piques de comenzar, suporá a dotación de saneamento en Paderne de Abaixo e Amboades así como a instalación da depuradora de Montecelo.
Con esta actuación, o goberno que dirixe César Longo, segue no camiño de completar os obxectivos marcados polo seu equipo de goberno para completar as necesidades de servizos que hai nas diferentes parroquias mellorando a calidade de vida dos seus veciños..