Os temas trascendentais para Miño
abordaranse na xunta de voceiros
Redacción- Miño
O pasado 23 de xuño, o goberno miñense
daba a coñecer a súa nova organización. Seis
son as áreas nas que se estructura o novo goberno: área
de Benestar Social e Igualdade, Cultura, Xuventude, Deporte e Relacións
Institucionais; área de Seguridade Pública; área
de Servizos Económico-Financeiros, Servizos Administrativos
e Persoal; área de Obras Menores; área de Actividades
Externas, Turismo e Educación e área de Planificación
Estratéxica, Urbanismo e Medio Ambiente.
Serán os tres edís con dedicacións, o alcalde
Juan Maceiras, con adicación parcial, Jesús Veiga e
Eva Vilariño, con adicación exclusiva, os que asuman
as titularidades das diferentes áreas. As tenencias de alcaldía
son para Jesús Veiga, Antonio Bernardo, Eva Vilariño
e Francisco Rey Mallo.
Crease unha xunta de voceiros, donde participarán o alcalde
e os voceiros do PP e PSOE. Esta comisión, abordará
os asuntos primordiais e fundamentais para Miño. O alcalde
Maceiras, sinala que, “imos emprender unha política de
cooperación coa oposición”. |
