O Conde de Andrade volveu a Betanzos

Betanzos- T.A.S.

Miles de persoas visitaron a cidade

Engalanada con máis de seis kilómetros de telas e máis de 300 estandartes e banderolas, o pasado 11 de xullo, a cidade brigantina daba por inaugurada unha nova edición da Feira Franca Medieval coa representación da entrada no municipio do Conde de Andrade. Acompañado por todo o seu séquito Fernán Pérez de Andrade daba o pistoletazo de saída a tres días de feira trala lectura do pregón, unha lectura que nesta ocasión recaeu en Concepción Delgado, profesora do IES Francisco Aguiar.
Desta maneira comenzaban tres xornadas adicadas ao medievo, nas que tanto veciños como visitantes participaron vestindo roupas da época ou disfrutando das diferentes representacións, entre as que destacaron, como cada ano, a expulsión dos leprosos, a queima da bruxa ou o torneo medieval.
Máis de 150.000 persoas, segundo a Policía Local, visitaron a cidade durante a celebración da feira, disfrutando de actividades para nenos e maiores, con percorridos en burro, obradoiros e talleres medievais e clases de tiro con arco.